ಪೊದೆ

ಜೀವನದ ಬಿರುಗಾಳಿಯಲಿ; ಸಿಲುಕಿರಲು ಕೆಲವೊಮ್ಮೆ |

ಓಡುವೆನು ಕಾಲ್ದಾರಿಯಲಿ; ಎಡವಿರಲು ಇನ್ನೊಮ್ಮೆ |

ಅಪ್ಪುವೆನು ನಾ ಎನ್ನನೇ; ರಕ್ಷಿಸಲು ಮತ್ತೊಮ್ಮೆ ||

ನಾಜೂಕು - ಎನ್ನ ಮನವು; ಕ್ಷೇಮಜಾಗವ ಅರಸಿಹೆನು |

ಆಗುಂತಕ - ನನ್ನ ಮನೆಯು; ಮನದುಗುಡದಿ ಅಡಗಿಹೆನು |

ಆತ್ಮನಂಬಿಕೆ - ಒಂದು ಪೊದೆಯು; ಸದ್ಆಶ್ರಯವ ಬಯಸಿಹೆನು ||

ಅನುಭವದಿಂ ತುಂಬಿವೆ; ಪೊದೆಯಲ್ಲಿಹ ಎಲೆಗಳು |

ಶ್ರೀಗಂಧವ ಬೀರುತಿವೆ; ಆತ್ಮಸ್ಥೈರ್ಯದ ಹೂಗಳು |

ಸನ್ಮಾರ್ಗವ ತೋರುತಿಹೆ; ಸಂಸ್ಕೃತಿಯ ಕಾಂಡಗಳು ||

ಬಳ್ಳಿಯನು ಕಟ್ಟಿದ್ದೆನು; ಬೆಳವಣಿಗೆಯ ನಿಲ್ಲಿಸಲು |

ಕಾಂಡಗಳ ಮುರಿದಿದ್ದೆನು; ಅದರ ಹುಟ್ಟಡಗಿಸಲು |

ಬೇರ ಕೀಳಲು ಮರೆತಿದ್ದೆನು; ಅದೇ ನನ್ನ ಚಿಗುರಿಸಲು ||

ಬಿರುಗಾಳಿಯ ಆರ್ಭಟಕೆ; ಎಲ್ಲವೂ ಸಮಗೊಳ್ಳಲು |

ಕಾಪಾಡಿಹುದು ಪೊದೆಯು; ಶರಣಾಗಿ ನಾ ಬರಲು |

ಬೀರಿಹುದು ಜ್ಞಾನ-ತಳಿರು; ಹೊಸ ತೋರಣವ ಕಟ್ಟಿರಲು ||

ನಾಂದಿ

ಶಶಿಯಿಲ್ಲದ ಆಗಸದಿ

ಕಾರ್ಮೋಡವು ಒಗ್ಗೂಡಲು |

ಬಿರುಗಾಳಿಯ ಆರ್ಭಟದಿ

ಬಹುತೆರೆಗಳು ಮೇಲೇರಲು |

ಅಪ್ಪಳಿಸಿತು ಉದ್ರೇಕದಿ

ಅವಳ ನೋವ ಅಲೆಗಳು ||

ಅರಸಿಹಳೊ೦ದು ಆಶ್ರಯ

ದೂರದಡದಿ ಕುಳಿತಿರಲು |

ಜೀವನದ ಅನಿಶ್ಚಯ

ಮನಸೆಲ್ಲವ ಕಾಡಿರಲು |

ಭಾವನೆಗಳ ಅಭಿನಯ

ತನ್ನಾತ್ಮವ ಕೊಂದಿರಲು ||

ಆಶಾಛವಿಯ ಕಿರಣಗಳು

ತಾಮಸವ ಕಳೆದಿರಲು |

ಭರವಸೆಯ ತಂಗಾಳಿಯು

ನೆಮ್ಮದಿಯ ತಂದಿರಲು |

ಹಳೆ ದುಃಖವ ಮರೆತಿಹಳು

ಸಬಲೆಯಾಗಿ ನಗುತಿರಲು ||

Question

The problem is known;

known is the solution.

Why is it that I frown,

to battle the situation?

Shy away from thee;

would sure yield salvation.

Should I risk to see,

the play with emotion?

To see one evolve;

is the supreme ambition.

Should I just dissolve,

in the expanse of the creation?

ಕಲ್ಮಶ

ಕಲ್ಮಶದೊಳ್ ಹುಟ್ಟಿದರೂ ಕಮಲ

ಹೊಂದಿಪುದು ಶುಭ್ರತೆಯ ಅಮಲ...

ನಿನ್ನಲ್ಲಿಯ ಕಳಂಕಗಳ ತಳಮಳ

ಸೃಜಿಸುವುದು ಪ್ರೀತಿ-ವಿಶ್ವಾಸದ ಯಮಳ...

ಸ್ಫೂರ್ತಿ---ಕಾಣಿಕೆ

ನಾನಾಗಿದ್ದೆ ದುರ್ಬಲ ಚೀತ್ಕಾರ

ಧ್ವನಿಯಾಗಿ ಮಾರ್ಪಡಿಸಿದುದು ನೀನೆ....

ನನ್ನಿಂದಲೇ ಆಗಿದ್ದೆ ನಾ ದೂರ

ಆತ್ಮಸಂದರ್ಶನ ಮಾಡಿಸಿದುದು ನೀನೆ....

ಬಡವನಿಗೆ ಸಿಕ್ಕಿಹುದು ರಾಜಸತ್ಕಾರ

ಅಮೂಲ್ಯರತ್ನವ ಒದಗಿಸಿದುದು ನೀನೆ....