USಗೆ ಬಂದಮೇಲೆ ಇಲ್ಲಿಯ ಜೀವನದ ಬಗ್ಗೆ ಕೆಲವು ಅನಿಸಿಕೆಗಳು...

ಸಮುದ್ರರಾಜನ ವೈಶಾಲ್ಯದ ಮೇಲೆ ಹಾರಿ ಬಂದೆ |
ನೀರೇ ಇಲ್ಲದ ಮರುಭೂಮಿಯಲ್ಲಿ ಇಳಿದು ನಿಂದೆ ||
ಪ್ರೀತಿ-ವಾತ್ಸಲ್ಯದಿಂದ ತುಂಬಿದ ವಾತಾವರಣವ ತೊರೆದೆ |
ಬೂಟಾಟಿಕೆಯ ಮಮತೆ, ನಾಟಕೀಯ ನಡತೆಯ ಕಂಡು ಬೆರಗಾದೆ ||

ಹೊರದೇಶದ ಈ ಬಾಳಿನಲ್ಲಿ
ಕಾಣುತಿದೆ ಜೀವನದ ವೈವಿಧ್ಯಮಯ ಮುಖ...
ನನ್ನವರು ಇರುವರು ನನ್ನ ದೇಶದಲ್ಲಿ
ಇದ ನೆನೆಯುವುದರಲ್ಲಿದೆ ಒಂದು ಬಗೆಯ ಸುಖ...


ಇಲ್ಲಿಯ ಜೀವನ ಶೈಲಿಯನ್ನು ರತ್ನನ ಪದಗಳ ಧಾಟಿಯಲ್ಲಿ ಹೀಗೆ ಹೇಳಬಹುದು ಅಲ್ವೇ?

ನೋಡಾಕ್ ಒಂದ್ photo-id,
ವಿಚಾರ್ಸಕ್ ಒಂದ್ email-id,
ಬರ್ ಬೇಕು englishಉ ಕೊಂಚ....
ಉಜ್ಜಾಕ್ ಒಂದ್ credit-cardಉ,
ಇಲ್ದೇದ್ರೆ debit-cardಉ,
ಇದ್ರಾಯ್ತು american ಪರ್ ಪಂಚ....